№69 жалпы орта білім беретін мектеп

“МЕКТЕП, АТА-АНА, БАЛА АРАСЫНДАҒЫ ҚҰНДЫЛЫҚ НЕГІЗДЕРІ” АТА-АНАЛАР ЖИНАЛЫСЫ

🔰Шымкент қаласы білім бөліміне қарасты N69 жалпы орта білім беретін мектебінде 16.05.2025ж күні “Мектеп, ата-ана, бала арасындағы құндылық негіздері” тақырыбында жалпы ата-аналар жиналысы өтті.
🔰Жиналыс барысында келесі мәселелер қаралды:
1. 2024-2025 оқу жылында білім алушылардың міндетті мектеп формасын бекіту;
Негіз: Қазақстан Республикасы Білім және ғылым министрінің 2016 жылғы 14 қаңтардағы N26 бұйрығы- “Орта білім беру ұйымдары үшін міндетті мектеп формасына қойылатын талаптарды бекіту туралы”.
2. Оқушылардың жазғы демалысын ұйымдастыру туралы ақпарат беру;
3. Мектеп жанынан ашылатын жазғы демалыс алаңшары;
4. Жазғы демалыс кезіндегі оқушылардың өмір қауіпсіздігін қамтамасыз ету;
5. Жолда жүру ережелерін сақтау;
6. Су айдындарындағы қауіпсіздік шаралары;
7. Сыбайлас жемқорлықтың алдын- алу; (бітіруші 4,9 және 11-сынып ата- аналары арасында ақша жинауға, қатаң тиым салу;

🔰Жиын барысында Абай аудандық полиция басқармасы, Жергілікті полиция бөлімі бастығының орынбасары Жүсіпбек Бағдат Жәнібекұлы және Абай ауданының прокуратурасының қызметкерлері Орманов Ұлан Нұрғалиұлы, Сатыбалды Асқар Абдрасилұлы алда келе жатқан жазғы демалыс уақытындағы оқушылардың өмір қауіпсіздігі мен кәмілетке толмаған жасөспірімдердің арасындағы құқық бұзушылық, қылмысты болдырмау және оның алдын алу шаралары жөнінде ата-аналарға түсіндірме жұмыстары жүргізілді.
🔰 Сонымен қатар «Shymkent Bus» автопарк директорының орынбасары Орманбеков Совет Шамшидинович оқушылардың “Tolem”карталары жөнінде айтып өтті.
🔰 Мектеп директоры Б.Карибаева 2024-2025 оқу жылының қорытындысын айтып, мектеп бітіруші түлектердің “Соңғы қоңырау” мерекесі барысындағы қауіпсіздік шаралары, оқушылардың жаңа оқу жылындағы мектеп формасы, жазғы сауықтыру алаңшасы мен қала сыртындағы сауықтыру лагері туралы ата-аналарға түсіндірді.
Жиналыс мектеп пен ата-аналар арасындағы байланыс пен өзара түсіністікті нығайтуға ықпал етті.
Күн тәртібіндегі барлық мәселелер толығымен қарастырылды.
Ата-аналар мектепке қатысты сұрақтарын қойып, көңілдеріне қонымды жауаптарын алып, ұжымға толағай табыстар тіледі.

Ұлы ақын, ойшыл, ағартушы Абай Құнанбайұлының туғанына 180 жыл толуына орай, білім беру ұйымдарында «Абай күнін» ресми және мазмұндық тұрғыдан 15 мамыр — Халықаралық отбасы күні мерекесімен кіріктіре ұйымдастыру мақсатында «Абай әлемі – отбасы құндылығының темірқазығы» іс-шарасы N149 жалпы орта білім беретін мектебінде өтті.

Екі мерекені біріктіріп, бір тұтастықта өткізу – қоғамда рухани жаңғыру, ұрпақтар сабақтастығы мен ұлттық тәрбиені нығайтудың маңызды тетігі, отбасы институтын ұлы ойшыл мұрасымен байытып, ұлттық тәрбие моделін дамытудың жаңа қадамы.

Іс-шарамыздың мақсаты — Абай мұрасын отбасы тәрбиесіне кіріктіру арқылы жас ұрпақтың рухани-адамгершілік құндылықтарын қалыптастыру, ұлттық болмыс пен отбасылық құндылықтарды ұштастыру, Абай Құнанбайұлының әдеби, философиялық және ағартушылық мұрасын кеңінен насихаттау.

Іс-шарада Шымкент қаласы білім басқармасына қарасты №69, №149 және №140 мектептердің білім алушылары өнер көрсетті.

Шымкент қаласы, №69 жалпы орта білім беретін мектебінде 3 қыркүйек күні 11- сынып оқушыларына, мектебіміздің директоры Б.Н.Карибаева, ДТІЖО В.Скендерова және педагог-психолог Г.Арыстанова мектептің ішкі тәртіп ережесімен таныстырып, түсіндірме жұмыстарын жүргізді.